Ціханоўская: «Дачка спытала: навошта пісаць лісты, калі тата не адказвае?»
Лідарка дэмсіл у інтэрв’ю Маланка Медыя — пра асабісты боль апошніх пяці гадоў: пра ізаляцыю мужа, слёзы дачкі і дзе бярэ энергію, калі здаецца, што ўсё вакол развальваецца.
Як дзеці перажываюць адсутнасць бацькі
— Што тычыцца дзяцей, то мой старэйшы сын абмінае тэму бацькі — яму занадта балюча. Тата для яго заўсёды быў прыкладам. Ён нават адмаўляецца пісаць лісты, таму што для яго гэта занадта балюча.
Дачка рэагуе па-іншаму — праз слёзы. Адзін раз яна хацела хутка напісаць ліст і адправіць. Я папрасіла яе нешта намаляваць. Яна пытае, навошта — я тлумачу ёй: тата не бачыць сонца, неба, зеляніны. Таму прашу намаляваць нешта яркае, каб хоць праз ліст ён змог убачыць колеры.
Гэта цяжка, але дзеці павінны разумець, які подзвіг здзяйсняюць іх бацькі і дзеля чаго гэта.
Пра балючае пытанне ад дачкі
— Мая дачка стабільна лістуе, але перад Новым годам сказала: «Навошта пісаць, калі тата ўсё адно не адказвае?» Давялося тлумачыць ёй, у якіх умовах ён знаходзіцца. Гэта зноў слёзы, ізноў боль, і так кожны месяц.
Як муж нават з-за кратаў дае сілы
— Калі ты адчуваеш пастаянны боль, ты з ім проста жывеш. Ты да яго не прызвычайваешся, ён проста ў табе сядзіць. Я намагаюся ператвараць гэты боль у энергію.
Калі апускаюцца рукі, калі здаецца, што ўсё развальваецца, я гляджу на партрэт Сяргея і кажу сабе: «Не маеш права. Устала, пайшла, працуй».
Читайте еще
Избранное