Скура, чад і пакемоны: як байкеры сустрэлі вясну
Як сноўбардысты мараць пра снежную зіму, гэтак аматары двух колаў песцяць думку пра надвор’е, спрыяльнае для падарожжаў. У Варшаве афіцыйна адкрылі Мотасезон-2024.
![](/uploads/2024/04/bike1.jpg)
Сотні брутальных байкераў і пікантных байкерш на матацыклах самых розных калібраў з’ехаліся да польскага Аўтамотаклубу на захадзе сталіцы ў раёне Бемова.
![](/uploads/2024/04/bike2.jpg)
![](/uploads/2024/04/bike3.jpg)
З пункту гледжання сярэднестатыстычнага беларускага сілавіка, на каго ні глянь – бадай, усе абсалютна ненадзейныя і падазроныя тыпы: у татуіроўках, скураных касухах з заклёпкамі, з голенымі патыліцамі. Маскі блазанскія на шлемы панацягвалі, дзяцей на свае пякельныя машыны панасаджалі... А некаторыя нават палітычныя лозунгі замест нумароў папрыкручвалі!
![](/uploads/2024/04/bike4.jpg)
Але ў выніку ўсе гэтыя страшныя людзі дысцыплінавана пашыхтаваліся, адстаялі купкамі на светлафоры і рушылі на цэнтральныя вуліцы Варшавы раўці маторамі. Ну не мілата?
![](/uploads/2024/04/bike5.jpg)
Праехаўшы праз цэнтр, байкеры фінішавалі ў раёне Ўрсынаў, дзе ўсіх ахвотных чакаў пікнік з бясплатнай раздачай гарохавага супу і кілбасак грыль з палявой кухні ды з іншымі гастранамічнымі цікавосткамі.
![](/uploads/2024/04/bike6.jpg)
«Салідарнасць» пакуль сваім «харлеем» не абзавялася і, на жаль, да гэтых смакоццяў не дабралася. Але ж сезон толькі пачынаецца!
Оцените статью
1 2 3 4 5Читайте еще
Избранное